धनुषामा श्रीमान्–श्रीमती मृत फेला

उनका श्रीमान् ३५ वर्षीय उमेश यादव पनि घरबाट करिब एक किलोमिटर टाढा रुखमा झुण्डिएको अवस्थामा मृत फेला परेका छन्। उमेशको घर मिथिला बिहारी नगरपालिका–४ भरतपुरमा रहेको प्रहरीले जनाएको छ ।

प्रहरीका अनुसार उमेश केही दिनअघि मात्रै वैदेशिक रोजगारीबाट घर फर्किएका थिए। उनी शुक्रबार मात्रै ससुराली पुगेका थिए ।

मृतक दम्पतीका चार वर्षीय छोरा पनि घाइते अवस्थामा फेला परेका छन्। बालकको एउटा तिघ्रामा धारिलो हतियार प्रहार भएको घाउ देखिएको छ।

धनुषाका प्रहरी प्रवक्ता डीएसपी ओमप्रकाश खनालले घटनाको प्रकृति शंकास्पद देखिएको बताएका छन्। घटनास्थलमा पुगेर प्रहरीले अनुसन्धान गरिरहेको उनले जानकारी दिए ।