पालिका अध्यक्ष र इन्स्पेक्टर क्यासिनोबाट पक्राउ
वीरगन्ज महानगरपालिका–१४, गण्डकस्थित गोल्डेन फिंगर गेमिङ जोन प्रालिको क्यासिनोबाट उनीहरूलाई नियन्त्रणमा लिइएको पर्सा प्रहरीका प्रवक्ता एवं डीएसपी चक्रबहादुर मल्लले जानकारी दिए ।
यादव र पौडेलसहित चन्दन सहनी, प्रकाश बैठा, क्यासिनोका कर्मचारी विजयकुमार पटेल, दिनेशकुमार पटेल, जयदेव साह र प्रदेशी साहलाई प्रहरीले पक्राउ गरेको छ ।
देशभित्रको कुनै पनि क्यासिनोमा नेपाली नागरिकलाई प्रवेश निषेध छ । तर, इन्स्पेक्टर पौडेल आफैँ क्यासिनोमा प्रवेश गरेका भेटिएको हो । प्रहरी निरीक्षक पौडेल डिउटी समयमै सादा पोसाकमा क्यासिनो पुगेको पाइएको पर्सा प्रहरीका प्रमुख एवं एसपी पवन भट्टराईले जानकारी दिए ।
“इन्स्पेक्टर पौडेल इलाका प्रहरी कार्यालय पोखरीयाका इन्चार्ज हुन् । तर, डिउटी समयमै सादा पोसाकमा क्यासिनो छिरेको फेला परे,” एसपी भट्टराईले भने, “उनीहरू जुवा खेल्ने योजनाले नै त्यहाँ पुगेको देखिन्छ ।”
पालिका अध्यक्ष सरकारी गाडी नै लिएर क्यासिनो पुगेको पाइएको छ ।
