नेपाल राष्ट्रिय भूतपूर्व सैनिक संघद्वारा बडा भोज तथा पारिवारिक भेटघाट सम्पन्न
पुनर्वास–कञ्चनपुरको पुनर्वासमा रहेको नेपाल राष्ट्रिय भूतपूर्व सैनिक संघ क्षेत्रीय शाखा कार्यालयले बडा भोज तथा पारिवारिक भेटघाट सम्पन्न गरिएको छ ।
आईतबार पुनर्वास नगरपालिका–४ स्थित विराज कटेज एण्ड रेष्टुरेण्टमा एक भव्य समारोहको आयोजना गर्दै नेपाल राष्ट्रिय भूतपूर्व सैनिकहरुको पारिवारिक भेटघाटसँगै बडा भोज गरिएको होे ।
संघका अध्यक्ष जितबहादुर तामाङको सभाध्यक्ष तथा पुनर्वास नगरपालिकाकी नगर उपप्रमुख भुलिया कुुमारी रानाको प्रमुख आतिथ्यतामा सम्पन्न कार्यक्रममा भारतीय भूतपूर्व सैनिकका कञ्चनपुर निर्वाचन क्षेत्र १ का अध्यक्ष मानबहादुर तामाङ बिशिष्ट अतिथीमा हुनुहुन्थ्यो । त्यस्तै, विभिन्न व्यक्तित्वहरुको आतिथ्यता रहेको थियो ।
भूतपूर्व सैनिकहरुको हकहित र आईपर्ने विभिन्न समस्या समाधानका लागि संगठन विस्तार गरिएको संघका अध्यक्ष जितबहादुर तामाङले बताउनुुभयो ।
२०७५ साल मंसिर १५ गते २० जना भूतपूर्व सैनिकहरुबाट स्थापना गरिएको यस संघमा हाल १ सय ५० जना सदस्य र साँढे १६ लाख बढि रकम बचत भएको उहाँले जानकारी दिनुभयो । सो संघमा कञ्चनपुरको निर्वाचन क्षेत्र नम्बर १ का नेपाली भूतपूर्व सैनिकहरु आबद्ध छन् ।
