लालझाडी कप :दशरथ युवा क्लबलाई हराउँदै न्यू भानु युवा क्लब फाईनलमा
पुनर्वास– कञ्चनपुरको पुनर्वास नगरपालिका–१०, भिमबस्तीमा सञ्चालन भईरहेको सातौ लालझाडी कप फुटबल प्रतियोगिताको सेमी फाईनल खेलमा न्यू भानु युवा क्लब विजयी भएको छ ।
मोहन गुरुङ स्मृति वडा अध्यक्ष सातौँ लालझाडी कपमा आज आईतबार भएको पहिलो सेमी फाईनल खेलमा दशरथ युवा क्लबलाई शुन्यका विरुद्ध २ गोल प्रहार गर्दै न्यू भानु युवा क्लब फाईनलमा पुगेको हो ।
खेल सुरुवातको केहि मिनेटमै न्यू भानु युवा क्लबका १० नम्बर जर्सी खेलाडीले एक गोल प्रहार गर्दै टिमलाई अग्रतामा पु¥याएका थिए । निकै घम्साघम्सीका साथ रोचकपूर्ण खेलमा दुई टिमका खेलाडी बीच विवाद भएपछि रेफरीले न्यू भानु युवा क्लबका डिफेन्सरलाई रातो कार्ड देखाएपछि हंगामा भएको थियो ।
सोहि हंगामा नियन्त्रण बाहिर जाँदा खेलमैदान देखि स्टेज केहिबेर रणभुमीमा परिणत हुनपुग्यो ।
रातो कार्डपछि डिफेन्स बाहिरिएर दश जनाले खेल सुरु गरेका थिए । हाप पछिको खेलमा पुनः न्यू भानु युवा क्लबले एक गोल थपेपछि विजयी हुनपुगेको थियो ।
चैत्र १ गते सम्म सञ्चालन हुने सो प्रतियोगितामा १६ टीमको सहभागिता रहेको छ । भने विजेता टिमले दुई लाख ११ हजार एक सय ११ साथमा सानदार ट्रफी र द्धितिय हुने टिमले नगद एक लाख ११ हजार एक सय ११ साथमा सानदार ट्रफी पाउने आयोजकले जनाएको छ ।
