जेनजी आन्दोलनमा ज्यान गुमाएका युवाहरुको सम्झनामा पुनर्वासमा दीप प्रज्वलन
पुनर्वास– नेपालमा भदौ २३ र २४ मा भएको जेनजीको प्रदर्शनका क्रममा प्रहरीले गोली चलाउँदा मृत्यु भएका युवाहरुको सम्झनामा दीप प्रज्वलन गरिएको छ ।
शनिबार कन्चनपुरको पुनर्वास नगरपालिका- ३, आई. बि आर.डि.को शहिद गेटमा जेन–जी आन्दोलनका क्रममा ज्यान गुमाउने युवाहरुको सम्झनामा श्रद्धाञ्जली अर्पण गर्दै दीप प्रज्वलन गरेका हुन् ।
संक्षिप्त शोकसभामा यादव सिंह, नरेश थापा लगायतले जेनजीको आन्दोलनमा मारिएकाहरुप्रति गहिरो दुख व्यक्त गरेका छन् ।
उनीहरुले सरकारले अनावश्यक बल प्रयोग गरेर स्कूल/कलेजस्तरमा रहेका होनहार युवाहरुको ज्यान लिने सम्मको जघन्य अपराध गरेको बताएका छन् ।
उनीहरुले देश रोएको हुँदा आफुहरु मर्माहत भएको उल्लेख गरे । आन्दोलनका क्रममा कलिला बालबालिकाले ज्यान गुमाउनु परेकोमा आफुहरुलाई निकै पिडा भएको बताउदै शोकलाई शाक्तिमा बदल्न बाध्य बनाएको उनीहरुको भनाई छ ।
आफुहरुको जन्मघरको माया ममता रहेको बताउदै दुःखद यो समयमा आन्दोलनका क्रममा निधन हुनेको परिवारलाई न्यायोचित सहयोग र घाइतेको निःशुल्क उपचार हुनुपर्ने उनीहरुको धारणा थियो ।
उनीहरुले आन्दोलनमा आफ्ना बाबु–नानी गुमाएका अभिभावकहरुप्रति समवेदना समेत व्यक्त गरेका छन् ।
आन्दोलनमा मारिएकाहरुको सम्झनामा देशभर शोकसभासँगै दीप प्रज्वलन गरिरहेका छन् ।
