पुनर्वासका युवा ब्यवसायीद्धारा ईलाका प्रहरी कार्यालय त्रिभुवनवस्तीलाई टिभि सहयोग
कञ्चनपुरको पुनर्वासमा बस्दै आएका तिन जना युवा ब्यवसायीहरुले ईलाका प्रहरी कार्यालय त्रिभुवनवस्तीलाई एक सेट टेलीभिजन हस्तानान्तरण गरेका छन् ।
झण्डै ४० हजार मुल्य बाराबरको टेलीभिजन सेट हस्तानान्तरण गरीएको रबिन्द तामाङ “मिसन”ले जानकारी दिनुभयो । युवा ब्यवसायी दाउत तामाङ, खगेन्द्र ओझा र रबिन्द तामाङ “मिसन” सहितको टिम मिलेर टेलीभिजन सेट प्रदान गर्नु भएको ईलाका प्रहरी कार्यालय त्रिभुवनवस्तीका इन्चार्ज प्रहरी निरिक्षक महेस बिक्रम शाहीले जानकारी दिनुभयो ।
सो टेलीभिजन थुनुवा कक्षमा लगाउने प्रहरी निरिक्षक शाही बताउनुहुन्छ । बिभिन्न अपराधिक क्रियाकलापमा संग्लन भएर आएका थुनुवाहरुलाई कानुनी साहायता सम्बन्धि जानकारीहरु, कानुनी बिषयबस्तुको चेतना अभिबृद्धी गराउने उद्देश्यका साथ टेलीभिजन लगाउन लागीएको उहाँले बताउनुभयो ।
प्रहरी निरिक्षक शाहीले टेलिभिजन सेट प्रदान गर्नुहुने युवा ब्यवसायी दाउत तामाङ, खगेन्द्र ओझा र रबिन्द तामाङ “मिसन” सहितको टिमलाई धन्यबाद ब्यक्त गर्नुभयो । उहाँले आगामी दिनहरुमा पनी सहयोग र सहकार्य गर्न युवा ब्यवसायीहरुलाई आग्रह गर्नुभयो ।
