साईन नेपालका अध्यक्ष जोशीले जन्मदिनमा विद्यार्थीलाई शैक्षिक उपकरण वितरण
डोटी- हरेक वर्ष झै यस वर्षको जन्मदिन पनि मानवीय सेवामा अनेकौं प्रयास (साइन) नेपाल, कैलालीका अध्यक्ष भक्तराज जोशीले सामाजिक कार्यमै मनाएका छन् ।
अध्यक्ष जोशीले यसपटकको जन्मदिनको अवसरमा डोटीको पुर्विचौकी गाउपालिका वडा नं ३ मा रहेको दुर्गा माध्यमिक विद्यालयका विद्यार्थीहरुलाई शैक्षिक उपकरण वितरण गर्दै मनाएका हुन् ।
विद्यालयमा ४३ ईन्चको (टि.सि.एल) एल.ई.डि स्किन ५ थान, एच.पि ब्रान्डको ल्यापटप कम्प्युटर १ थान, भलिवल र नेट १ सेट सहयोग गरेका गरिएको थियो ।
वर्तमानमा शिक्षाको अवस्था खस्किदै गईरहेकोले शिक्षामा सुधार गर्न आफ्नो पालिकाबाट सुरुवात गरेको उहाँको भनाइ थियो ।
यस्तै शैक्षिक उपकरण बुझ्दै दुर्गा माबिका प्रधानाध्यापक राज बहादुर बडैलाले जन्मदिनको शुभकामना सहित धन्यवाद दिनुभयो ।
शैक्षिक गुणस्तर सुधारका लागि निक्कै ठूलो सहयोग पुगेकाेले आगामी दिनमा अझै सहयोगको अपेक्षा गरेको उहाँले बताउनुभयो ।
अध्यक्ष जोशीले सोही विद्यालयबाट आफुले प्रारम्भिक शिक्षा हासिल गर्नुभएको थियो ।
