दुई बच्चा छाडेर पुनर्वास–७ परासनकी रुपा चौधरी जेठ ११ गतेबाट बेपत्ता, खोजी गरिदिन श्रीमानको आग्रह
पुनर्वास–कञ्चनपुरको पुनर्वास नगरपालिका वडा नम्बर ७, परासन बस्ने २६ बर्षिय रुपा चौधरी’ जेठ ११ गतेबाट बेपत्ता भएकी छन ।
उनी बिहान करिब ९ बजेतिर सोही ठाउँको बिद्यालयमा आफ्ना बच्चाहरुलाई विद्यालय छाडेर घर नफर्किएको श्रीमान महेश चौधरीले जानकारी दिए ।
श्रीमान चौधरीले आफु रोजगारीको सिलसिलामा भारतको बसही बजारको एक हार्डवेयर पसलमा बिहान ७ बजे गएको र साँझ ९ बजे घर पुग्दा आमाको खोजीमा दुई बच्चाहरु घरमा रुँदै गरेको अवस्थामा भेटेको सुनाए ।
रुपाको जुम्ल्याहा दुई बच्चा समेत रहेका छन् । पहिला पनि कहिले काँही सामान्य विवाद हुँदा माइतीमा बस्ने गरेकी उनी यसपटक बेपत्ता भएको दुई हप्ता सम्म पनि सम्पर्कमा नआएको श्रीमान महेश चौधरीले बताए ।
अहिले प्रहरी मार्फत खोजतलास गर्दा समेत उनको केही अत्तोपत्तो नलागेको रुपाका श्रीमान चौधरीको भनाई छ ।
बेपत्ता रहेकी श्रीमतीलाई कहाँकतै देख्नुहुने महानुभावहरुले तलको सम्पर्क नम्बर वा नजिकको प्रहरी चौकीमा खबर गरि सहयोग गरिदिनहुन श्रीमान चौधरीले आग्रह गरेका छन् । सम्पर्क नं– ९८१५६२४४११, ९८२१६७७७२८
