पुनर्वासमा जनप्रतिनिधि र स्वास्थ्यकर्मीसंग कोभिड-१९ डिजिटलाईजेशन कार्यक्रम
पुनर्वास – कंचनपुरको पुनर्वास नगरपालिकामा कोभिड-१९ डिजिटलाईजेशन सम्बन्धि कार्यक्रम सम्पन्न भएको छ ।
बिहीबार युएनडिपिको आर्थिक सहयोग तथा नेपाल पर्यावरण तथा शिक्षा विकास समाजको आयोजनामा नगरपालिकाका जनप्रतिनिधि र स्वास्थ्यकर्मीहरुसंग कोभिड-१९ डिजिटलाईजेशन सम्बन्धि कार्यक्रम सम्पन्न भएको हो ।
३० हजार ब्यक्तिको अनलाईन रजिस्ट्रेशन गरी पालिकालाई कोभिड-१९ भ्याक्सिनेशनमा डिजिटलाईजेशन गर्ने कार्यक्रम संयोजक बिनोद कडाराले जानकारी दिए ।
हाल सम्म पुनर्वास नगरपालिकामा २७ सय जनाले भ्याक्सिनेशन डिजिटलाईजेशन भएको र ४५ प्रतिशतले कोभिड खोप लगाएको तथ्यांक छ ।
उक्त कार्यक्रम सुदुरपश्चिममै पुनर्वास नगरपालिका दोस्रो चरणको पहिलो कार्यक्रम भएको युएनडिपिकी प्रतिनिधि लक्ष्मी बिश्वकर्माले बताईन ।
नगरपालिकाको सभाहलमा सम्पन्न भएको कार्यक्रममा सहजकर्ता रामचन्द्र उपाध्यायले कार्यक्रम व्यवस्थापनको जिम्मेवारी सम्हालेका थिए ।
किशोर सञ्जालकी अध्यक्ष द्रोपती भट्टको अध्यक्षतामा भएको कार्यक्रमलाई कार्यक्रम संयोजक कडाराले सञ्चालन गरेका थिए ।
